91 miliardë lekë borxhe do të fallen nga tatimet, në një lëvizje që duket qartë se vjen në prag të fushatës elektorale për zgjedhjete 18 qershorit. Kundër kanë dalë taksistët e licencuar që thonë se ndjehen të diskriminuar, pasi ata vetë kanë paguar çdo detyrim të shtetit.
Për kreun e shoqatës së taksistëve Gëzim Bardhi 6 maji është dita kur shteti po formalizon informalitetin dhe konkurrencën e pandershme. Sipas tij, aktivitetit i tyre diskriminohet me këtë ligj, pasi është ndër bizneset që i qëndrojnë korrekt pagesës së gjobave, taksave apo çdo detyrimi tjetër ndaj shtetit.
“Atëhere falja për kë bëhet për ata që nuk paguajnë apo për ne që jemi gjithmonë të rregullt?! Po them me bindje që kjo lloj falje favorizon informalitetin dhe jo ne. Sepse duke u falur atyre borxhet, shteti i jep një nxitje atyre zotërinjeve të cilët duke qenë se janë mësuar mos paguajnë do vazhdojnë të mos paguajnë sepse do presin zgjedhjet e tjera dhe thonë se do bëhët përsëri një falje”, tha ai.
Mbi të gjitha, thotë kryetari shoqatës së taksistëve të Tiranës, nisma të tilla në prag të zgjedhjeve, por krijon një traditë të gabuar.
Ligji i amnistisë për 91 mld lekë borxhe ndaj shtetit shqiptar hyn sot në fuqi dhe subjektet përfituese kanë kohë 9 muaj për të përfituar nga ligji. /tesheshi.com/
