Ndërsa mijëra refugjatë i ikin luftës dhe persekutimit në kërkim të një jete më të mirë në Europë, Amnesty International raporton për kushte “të tmerrshme” të atyre që mbërrijnë në Greqi.
Organizata e të drejtave të njeriut thotë se koordinimi i dobët dhe mungesa e fortë e strehave dhe stafit po krijojnë kushte të tmerrshme për qindra refugjatë dhe emigrantë që mbërrijnë përditë në ishullin grek Lesvos që ka edhe numrin më të madh të të ardhurve.
“Kjo nuk është thjesht tragjedi greke, por një krizë e gjerë europiane. Kriza po mbahet përpara të liderëve dritëshkurtër europianë që ka vendosur sigurinë e kufijve përpara ndihmës ndaj të mbijetuarve të konflikteve”, thuhet në deklaratën e Amnesty.
Të paktën 33 mijë emigrantë kanë mbërritur në ishullin Lesvos që nga 1 Gushti, e qindra të tjerë mbërrijnë në bazë ditore. Organizata i bën thirrje të caktojnë më shumë staf dhe kushte më të mira nëpër kampe për të menaxhuar krizën në ishujt grekë.
Deklarata vjen një javë pasi policia në ishullin Kos përdori dhunë ndaj emigrantëve. /tesheshi.com/
