Organizata joqeveritare Amnesty International tha se dhuna në protestat në Irak kundër qeverisë kanë çuar në një “rrjedhje gjaku”.
Të paktën 319 protestues kanë vdekur në përleshjet me forcat e sigurisë në protestat që filluan muajin e kaluar, sipas një raporti të fundit nga Komisioni Irakian për të Drejtat e Njeriut.
Protestat nuk kanë një drejtues, dhe ato filluan për shkak të pakënaqësisë së qytetarëve për papunësinë, administratën e dobët publike dhe korrupsionin e përhapur.
Amnesty International u bën thirrje autoriteteve që të frenojnë menjëherë forcat e sigurisë që qëllojnë me plumba gome drejt protestuesve dhe hedhin gaz lotësjellës.
“Qeveria e Irakut ka një detyrim të mbrojë të drejtën e jetës së njerëzve të tyre, si dhe t’i lejojë ata të mblidhen dhe të shprehin pikëpamjet e tyre. Kjo gjakderdhje duhet të pushojë dhe ata që janë përgjegjës për të duhet të sillen para drejtësisë”, tha Heba Morayef, drejtori i AI për Lindjen e Mesme dhe Afrikën e Veriut, duke shtuar se të gjitha premtimet për reforma janë histori boshe ndërsa dhuna është në rrugë.
Kërkesa e drejtpërdrejtë e protestuesve është dorëheqja e kryeministrit Adil Abdul-Mahdi. /tesheshi.com/
