Komisioni Federal i Komunikimit i SHBA ka identifikuar pesë kompani kineze si një kërcënim për sigurinë kombëtare sipas ligjit të vitit 2019.
Qëllimi i këtij ligji është të mbrojë rrjetet amerikane të komunikimit.
Komisioni tha se ishte Huawei, ZTE Corp., Hytera Communications Corp., Hangzhou Hikvision Digital Technology dhe Dahua Technology, njoftoi Reuters.
Sipas Aktit të vitit 2019, Komisionit i kërkohet të identifikojë kompanitë që prodhojnë pajisje dhe shërbime telekomunikuese që, siç u tha, “janë të vendosur të paraqesin një rrezik të papranueshëm për sigurinë kombëtare të SHBA”.
Në gusht të vitit 2020, qeveria amerikane miratoi rregullore që ndalojnë agjensitë federale të blejnë mallra ose shërbime nga ato pesë kompani kineze, dhe nga viti 2019, ato u futën në “listën e zezë” ekonomike të SHBA.
Vitin e kaluar, komisioni shpalli Huawei dhe ZTE një kërcënim për sigurinë kombëtare të rrjeteve të komunikimit, duke ndaluar kompanitë amerikane të përdorin një fond shtetëror prej 8.3 miliardë dollarësh për të blerë pajisje nga ato kompani.
Huawei e kundërshtoi vendimin në gjykatë në shkurt. Kjo kompania refuzoi të komentojë mbi vendimin e fundit të Komisionit Amerikan.
Komisioni miratoi rregulloret në dhjetor të vitit të kaluar që kërkon që operatorët e telekomit që kanë pajisje nga ZTE ose Huawei t’i zëvendësojnë atë, dhe 1.9 miliardë dollarë janë aprovuar për këtë qëllim. /tesheshi.com/
