Departamenti Amerikan i Shtetit ka njoftuar se është shpallur një shpërblim deri në 10 milionë dollarë për këdo që jep informacion për hakerin Yevgeny Viktorovich Gladkikh, i cili ka lindur në Rusi.
“Departamenti i Shtetit i SHBA-së u jep shpërblim atyre që ofrojnë informacione për hakerin rus Yevgeny Viktorovich Gladkikh si pjesë e programit të Çmimit të Drejtësisë (RFJ)”, tha Departamenti i Shtetit në një deklaratë.
Thuhet se Gladkikh vepron me urdhër ose nën kontrollin e një qeverie të huaj.
“Ne ofrojmë çmime deri në 10 milionë dollarë për informacion në lidhje me identitetin ose vendndodhjen e Gladkikh. Gladkikh po ndihmon ose mbështet shkeljet e Aktit të Mashtrimit dhe Abuzimit Kompjuterik, i cili përfshin aktivitete kibernetike kundër infrastrukturës kritike të SHBA-së”, shtohet në deklaratë.
Midis majit dhe shtatorit 2017, Gladkikh ishte një programues në Institutin e Kërkimeve Shkencore të Qendrës për Kimi dhe Mekanikë të Ministrisë së Mbrojtjes Ruse, një institucion kryesor kërkimor. Aty ai zhvilloi Malware që i bën sistemet e sigurisë jofunksionale.
I dyshuari dyshohet se u përpoq dy herë në vitin 2018 për të hyrë në rafineritë në vend, të cilat ishin në pronësi të një kompanie amerikane, por pa sukses. /tesheshi.com/
