“Defender Europe 21”, stërvitja e madhe ushtarake e NATO-s, u shpërfaq në sheshin “Nënë Tereza” në Tiranë, duke zbritur kështu nga mali në fushë, shoqëruar me ushtrime të rrezikshmërisë së lartë, si dhe mesazhe politike përkatëse.
Ambasadorja Kim, kryeministri Rama, presodenti Meta, përcollën mesazhet respektive.
“‘Defender 21’ hap një rrugë të vërtetë për bashkëpunimin tonë strategjik. Unë besoj se suksesi i ‘Defender 21’, pasqyron angazhimin e popullit të Shqipërisë.
Vlerësojmë se pavarësisht nga dallimet, të gjithë ju e pranoni që gjendemi në një moment të rëndësishëm në histori dhe të gjithë ju dhe ne jemi të bashkuar me marrëdhënien tonë, se kjo marrëdhënie mes SHBA dhe Shqipërisë është e rëndësishme.
Kjo përkon me 30-vjetorin e rivendosjes së marrëdhënieve Shqipëri-SHBA. SHBA qëndron me ju në kërkesën tuaj për një Shqipëri të pavarur dhe të lirë.
Do vazhdojmë të qëndrojmë me ju teksa merrni detyra të rëndësishme. Këto detyra janë të vështira por jo të pamundura. Jemi krenarë që jeni aleat me ne këtu sot, krahë për krahë përgjithmonë”, tha Kim.
“Dua t’i falënderoj me mirënjohje të gjithë ushtarakët e përfshirë në këtë stërvitje kaq domethënëse nga SHBA dhe të gjitha vendet e tjera si dhe dua t’i bëj një falënderim të posaçëm përfaqësueses së Qeverisë së SHBA në Shqipëri, Ambasadores Yuri Kim, e cila me përkushtimin e saj i ka dhënë një cilësi të re marrëdhënieve mes dy shteteve, duke përfshirë në vend të parë në mbështetjen e kërkesave dhe
nevojave të vendit tonë, qoftë në forcimin e kapaciteteve tona mbrojtëse, qoftë të Drejtësisë.
Besimi që SHBA kanë treguar në vijim te ky partneritet dhe aleancë e madhe strategjike me Shqipërinë e vogël, kulmon me këtë stërvitje ushtarake që jo rastësisht është stërvitja më e madhe, me përfshirjen më domethënëse që ka ndodhur ndonjëherë në historinë e rajonit tonë.
Dua të nënvizoj faktin që edhe vetë kjo shfaqje e bukur për t’i dhënë mundësi qytetarëve të vijën të vizitojnë nga afër gjithë këtë arsenal, nuk do ishte e tillë sot nëse nuk do të kishte qenë mbështetja konkrete e SHBA për rritjen e vazhdueshme të kapacitete të Ushtrisë Shqiptare”, tha Rama.
“NATO është aleancë e madhe, për popullin shqiptar. Në përfundim dua të përgëzoj Forcat tona të Armatosura, për profesionalizmin e treguar, e kanë shërbyer me gatishmëri, për t’u përgjigjur situatave dhe detyrave që burojnë nga Kushtetuta, por edhe aleanca jonë e NATO-s, faleminderit”, tha Meta. /tesheshi.com/
