Amerikanët në Tiranë kanë përcjellë një profil të së njohurës Margarita Simonya-n, gazetares propagandistike të Putinit.
Fjala është për një artikull të DASH mbi këtë fytyrë gruaje të regjimit rus, e cila mban rolin e propagandistes kryesore të Moskës, tashmë dhe në luftën në Ukrainë pas agresionit rust të këtij vendi ish-sovjetik.
Për të thuhet se “është e aftë të shërbejë gënjeshtrat si të vërteta dhe me një buzëqeshje”.
“Gjatë gjithë karrierës së saj, Simonyan ka mbështetur axhendën e Kremlinit duke shpërndarë dezinformata dhe propagandë. Para se të bëhej kryeredaktor i RT, Simonyan punonte në grupin e gazetarëve të Kremlinit që mbulonin Presidentin Putin. Ajo u bë e famshme pasi raportoi për sulmin terrorist në shkollën Beslan të vitit 2004 në Kaukazin e Veriut.
Kanali YouTube i liderit të opozitës ruse, Aleksey Navalny, i cili aktualisht ndodhet në një burg të sigurisë maksimale pas dënimeve të motivuara politikisht, akuzoi Simonyan për gënjeshtra të qëllimshme gjatë transmetimeve të saj në Beslan për t’i shërbyer prioriteteve të Kremlinit”, thuhet në shkrim.
Më tej kujtojet se në një intervistë të vitit 2013 , ajo tha se “arma e informacionit, natyrisht, përdoret në momente kritike dhe lufta është gjithmonë një moment kritik. Dhe është luftë. Është një armë si çdo tjetër.”
“Edhe pse Simonyan deklaron se është gazetare, ajo e mbështeti hapur duke anuluar ndalimin e censurës së medias në kushtetutën ruse, duke deklaruar se ‘asnjë vend i madh nuk mund të ekzistojë pa kontroll mbi informacionin’. Pavarësisht mosmiratimit të saj ndaj të ashtuquajturave vlera perëndimore, si respekti për lirinë e fjalës dhe lirinë e shprehjes, slogani i RT-së është ‘më shumë pikëpyetje’ dhe tenton ta paraqesë veten si një zë kundërshtues”, shkruajnë ndër të tjera amerikanët mbi këtë figurë femërore të regjimit të Putinit. /tesheshi.com/
