Menjëherë pas sulmit ndaj SHBA në lidhje me trenin e provokimit, ambasadori amerikan në Beograd ka takuar urgjent presidentin serb.
Siç bëjnë të ditur mediat e Beogradit që i referohen njoftimit për shtyp të ambasadës dhe presidencës, dy institucionet janë përplasur me njëra tjetrën me akuza dhe kundërakuza.
Njoftimi i parë për shtyp u dha nga Presidenca. Sipas tij, Nikoliç i ka shprehur indinjatën ambasadorit amerikan për faktin se kjo administratë ka themeluar shtetin e Kosovës, duke thënë se Uashingtoni ka krijuar shumë dëme.
Por Nikoliç, i cili edhe ditë më parë ka akuzuar administratën amerikane në largim, shpreson që Shtetet e Bashkuara të bëjnë më pak gabime me administratën e re.
Por ka qenë e fortë përgjigja e Ambasadës amerikane në Beograd.
Ambasadori Scott ka thënë se Shtetet e Bashkuara të Amerikës vazhdojnë ta mbështesin dialogun mes Kosovës dhe Serbisë.
“Kujtoj se 4 miliardë dollarë investime amerikane dhe 16 mijë punëtorë që punojnë për kompanitë amerikane në Serbi janë një tregues i fuqisë dhe jetësisë së marrëdhënieve dypalëshe”, thuhet në njoftimin e Ambasadës amerikane. /tesheshi.com/
