Ambasada Amerikane në Tiranë ka gjetur rastin duke na kujtuar vizitën vite më parë të presidentit Bush në Shqipëri. E kjo në një përvjetor të Departamentit të Shtetit.
“Foto e Ditës/Këtë vit, ne festojmë 230-vjetorin e Departamentit të Shtetit. Për më shumë se dy shekuj, Ambasadat, Konsullatat dhe diplomatët tanë në mbarë botën, kanë forcuar partneritetet dhe miqësitë tona, si dhe kanë nxitur zhvillim ekonomik botëror. Përgjatë këtij viti, ne do të postojmë foto historike që përfaqësojnë diplomacinë e Shteteve të Bashkuara dhe miqësinë midis Shteteve të Bashkuara të Amerikës dhe Shqipërisë. Në këtë foto, Presidenti amerikan George W. Bush bisedon në Fushë Krujë me një grua e cila mban flamurin amerikan në dorë, gjatë vizitës së tij në Shqipëri më 10 qershor 2007”, shkruhet në një mesazh të përfaqësisë së Uashingtonit në Tiranë.
Siç dihet, kjo vizitë u shoqërua dhe nga lajmi se presidentit amerikane iu vodh ora pikërisht në Fushë Krujë, i ndodhur mes turmës së njerëzve që e përshëndesnin.
Por diçka e tillë u përgënjeshtrua nga amerikanët. /tesheshi.com/
