Fjalimi i babait të kapitenit Humayun Khan, ushtarit musliman amerikan i cili vdiq duke i shërbyer vendit të tij, ishte njëri prej momenteve më të mrekullueshme në Konventën Nacionale të Demokratëve.
I emocionuar, Khizr Khan mbajti një kopje të Kushtetutës dhe sulmoi kandidatin republikan për president Donald Trump duke thënë: “Ju nuk keni sakrifikuar asgjë dhe askënd!”
Por kapiteni Khan nuk është i vetmi musliman amerikan që ka vdekur në krye të detyrës.
Sipas disa raporteve, llogaritet se 14 muslimanë tjerë janë vrarë në Irak dhe Afganistan, pas 11 shtatorit.
Në fakt, muslimanët kanë luftuar për Amerikën në çdo konflikt të madh gjatë historisë, përfshirë këtu edhe Luftën Revolucionare.
Më shumë se 15,000 amerikanë arabë kanë luftuar në anën e aleatëve gjatë Luftës së Dytë Botërore, si dhe kanë shërbyer në pozita të ndryshme diplomatike.
Në raport thuhet se 6,024 muslimanë kanë luftuar në ushtrinë amerikane që nga 11 shtatori, ndërkohë që ky numër është edhe më i lartë sot.
Një prej muslimanëve i rankuar më i larti në detyrë, është Kolonel Marine Douglas Burpee, i cili kaloi më shumë se 20 vite në ushtri.
Në një intervistë ai tha: “Të gjithë e dijnë se unë jam musliman. Kur fluturoj, gjithmonë mbaj me vete një varëse në qafë, në të cilin ndodhet ndonjë ajet nga Kur`ani”
P.S. Në foton që shoqëron shkrimin, janë disa prej ushtarëve muslimanë amerikanë të rënë në krye të detyrës. Disa prej tyre anë të konvertuar nga besime të tjera, dhe të gjithë janë të varrosur me ceremoni fetare islame. /tesheshi.com/
