Në vijim të mesazheve se Reforma në Drejtësi ka mbështetje, sponsorizim dhe bekim amerikan, Ambasada e SHBA në Tiranë ka shpërndarë videon e radhës, ku në formë grafike paraqet detajet e formimit dhe funksionit të SPAK-ut, asaj strukture që mendohet se do u “vjen hakut” njerëzve të pushtetshëm ndër vite që janë zhytur në korrupsion apo vepra të tjera me karakter penal.
“Në videon e kaluar, mësuat mbi Gjykatën Kushtetuese. Këtë javë, do të flasim për Strukturën e Posaçme Anti-Korrupsion dhe Anti-Krim i Organizuar, ose shkurt SPAK. Pse nevojitet SPAK dhe si do t’i ndjekë penalisht ky institucion rastet e korrupsionit në nivelet më të larta?
Mësoni se si SPAK do të jetë një organ i pavarur, jo i politizuar, i cili do të hetojë dhe ndjekë penalisht “të paprekshmit” e Shqipërisë, duke përfshirë zyrtarë të tanishëm dhe ish-zyrtarë të lartë”, shkruhet në sqarimin e përfaqësisë së Uashingtonit në Tiranë, ku më pas vjen videoja përkatëse. /tesheshi.com/
https://www.facebook.com/usembassytirana/videos/441744029753439/?t=11
