Tjetër mesazh është përcjell nga Uashingtoni për “non grata”-n ndaj Berishës, ku këmbëngulet se në personin e tij është janë gjetur prova korrupsioni e se për këtë duhet të reagojnë dhe institucionet shqiptare, duke lënë të nënkuptuar se duhet hetuar nga drejtësia shqiptare.
Kjo u tha nga i dërguari amerikan për Ballkanin, Pablo Escobar, njëherësh Zv/Ndihmës Sekretar i Shtetit.
“Vendimi për ta përcaktuar atë ishte një vendim institucional. Nuk ishte një vendim individual dhe nuk ishte një vendim politik. Ishte një vendim që ne e morrëm për shkak të korrupsionit që gjetëm. Unë do t’u bëja thirrje institucioneve në Shqipëri ta shqyrtojnë këtë”, tha ai në një intervistë për VOA-n.
Diplomati i lartë u përpoq të ndante PD-në nga Berisha, duke e cilësuar forcën demokrate në opozitë si partnere, ama ata pjesë që nuk ka të bëjë me Berishën.
Asaj pjese që i shkon pas Berishës, Escobar i dërgoi një mesazh të qartë.
“Dua të them se ne ende kemi partnerë të mirë në Partinë Demokratike, ne duam që Partia Demokratike të jetë një kontribues i fortë dhe i rëndësishëm i stabilitetit politik në Shqipëri. Unë do t’u bëja thirrje mbështetësve të Partisë Demokratike të mendojnë për imazhin që përcjellin, nëse do të kishin në krye njerëz që janë përcaktuar nga Sekretari i Shtetit për korrupsion”, ishin fjalët e zyrtarit të lartë të Uashingtonit me rol të drejpërdrejtë në Ballkan. /tesheshi.com/
