Shtetet e Bashkuara shpresojnë të fillojnë një fushatë vaksinimi kundër COVID-19 para mesit të dhjetorit, sapo të marrin miratimin nga Administrata e Ushqimit dhe Barnave (FDA), tha Moncef Slaoui, këshilltari kryesor shkencor i programit të vaksinimit të SHBA kundër koronavirusit.
“Brenda 24 orëve nga miratimi, vaksinat po lëvizin dhe vijnë në zona ku shtetet federale i dëshirojnë ato,” i tha Slaoui CNN.
I pyetur për datën e pritshme të vaksinimeve të para në Shtetet e Bashkuara, ai u përgjigj se priste “që të mund të ishte një ditë pas miratimit, më 11 ose 12 dhjetor”.
Imuniteti kolektiv deri në maj
Ai gjithashtu tha se shpresonte që imuniteti kolektiv të arrihej deri në maj.
“Me një nivel efikasiteti prej 95 përqind, vaksinimi i 70 përqind të popullsisë do të lejonte imunitet të vërtetë kolektiv. Kjo mund të ndodhë në maj.”
“Shpresoj që perceptimi negativ i vaksinës të zvogëlohet, kjo do të jetë një ndihmë thelbësore për ne,” theksoi ai.
Kompania farmaceutike amerikane Pfizer dhe partneri i saj gjerman BioNTech kërkuan të premten nga Agjencia e Zbatimit të Barnave në SHBA (FDA) të miratojë vaksinën e tyre kundër COVID-19, duke u bërë kështu prodhuesit e parë në Shtetet e Bashkuara dhe Evropë që ndërmarrin këtë hap final. /tesheshi.com/
