Ambasadori amerikan në Kosovë, Jeffrey Hovenier, tha këtë të enjte se draft-statuti i ri i komunitetit të komunave me shumicë serbe është në përputhje me Kushtetutën e Kosovës, por fjalën e fundit për të do ta ketë Gjykata Kushtetuese e Kosovës.
“Do t’ju kujtoj qëndrimin e SHBA-së se ZSO duhet të jetë në përputhje me kornizën kushtetuese dhe se nuk ka kompetenca ekzekutive. Siç tha kryeministri i Kosovës javën e kaluar, ky draft do të shkojë në Gjykatën Kushtetuese para se të zbatohet”, tha ai në një konferencë për media në Prishtinë.
Drafti i përmendur është prezantuar gjatë vizitës në Prishtinë nga anëtarët e delegacionit të lartë të Bashkimit Evropian, SHBA-së, Gjermanisë, Francës dhe Italisë.
Përfaqësuesi special i BE-së për dialogun ndërmjet Kosovës dhe Serbisë, Miroslav Lajçak, të martën ka biseduar me zëvendëskryeministrin e Kosovës, Besnik Bislimi dhe liderët e partive opozitare në Kosovë për draft-statutin.
Kurti tha javën e kaluar se drafti i ri i statutit për formimin e ZSO-së është shkruar me kujdes, në përputhje me shkronjën dhe frymën e Kushtetutës së Kosovës, por se ende nuk e ka pranuar zyrtarisht dokumentin që do të jepte serbët në Kosova më shumë autonomi.
Teksti i ri, siç pretendon BE-ja, “drafti modern” i statutit të ZSO-së, ende nuk është paraqitur në opinion dhe ambasadori amerikan pretendon se nuk ka sekrete, por se këto janë çështje diplomatike në favor të procesit.
Presidenti serb Aleksandar Vuçicc tha se nuk mund të flasë në publik për detajet e draft-statutit të ZSO-së, por se ai paraqet një bazë të mirë për të ardhmen. /tesheshi.com/
