Në gjashtë shtete amerikane është shpallur gjendja e jashtëzakonshme, pas pushtimit që stuhitë e forta të dëborës i kanë bërë brigjeve verilindore të SHBA-ve. Kjo ka bërë që entet shtetërore dhe shkollat të ndërpresin punën e tyre dhe të jenë në gadishmëri të lartë për stuhinë që pritet të vijnë.
Sipas parashikimeve meteorologjike, pritet që kjo krizë të zgjasë dy ditë, çka do të ndikojë në jetën e pesëdhjetë milionë njerëzve duke filluar nga shteti amerikan i Miçiganit e deri në Kanadanë jugore.
Sipas qendrave meteorologjike, stuhia do të fitojë më shumë forcë ndërsa afrohet nga brigjet e Atlantikut në zonën e Neë England.
Guvernatori i shtetit të Massachusetts, Charlie Baker, theksoi se është e nevojshme që njerëzit të qëndrojnë larg rrugëve dhe mos të lëvizin makinat e tyre në orët ë vona të natës. Ai sqaroi se do të bëhet i mundur dërgimi i njësive speciale për heqjen e borës dhe bëri thirrje që njerëzit të qëndrojnë në shtëpitë e tyre, nëse nuk është e nevojshme që ata të dalin jashtë. Dëbora e madhe shoqërohet me erëra të dendura të cilat lëvizin me shpejtësi 120 km, çka mund të shkaktojë aksidente rrugore.
Vlen të përmendet se kjo stuhi që goditi vendin, është i dyti i këtij lloji brenda një muaj.
Burimi: Associated Press, përshati: Enklid Pelari
