Presidenti rus Vladimir Putin nënshkroi amendamentin kontravers që dekriminalizon dhunën në familje. Amendamenti që më parë ka kaluar dy dhomat e parlamentit rus, ka nxitur zemërim tek krtikët që thonë se dërgon mesazh të gabuar në një vend ku një grua vdes çdo 40 minuta për shkak të abuzimit brenda mureve të shtëpisë.
Që nga ky moment, rrahja e grave apo fëmijëve që mund të rezultojë në nxirje apo gjakderdhje, por jo me kocka të thyera është e dënueshme me vetëm 15 ditë në burg ose me një gjobë, nëse nuk ndodh më shumë se një herë në vit. Më parë, e njëjta vepër dënohej më së shumti me 2 vjet burg.
Aktivistët kundër kthimit në ligj të amendamentit thonë se ligji i propozuar për t’u përballur me dhunën në familje, propozuar prej tyre nuk ka kaluar në parlament. Një gjë e tillë do të thotë se amendamenti i kthyer në ligj nga Putin është një shenjë se shoqëria ruse po refuzon ta trajtojë seriozisht dhunën në familje.
Mbrojtësit e ligjit thonë se ai mbyll një hapësirë ligjore sipas së cilës aktet e dhunës të kryera nga të huajt dënohen më pak sesa ato të kryera nga anëtarët e familjes. /tesheshi.com/
