Të dielën e 8 shtatorit, 10-vjeçarja Lily Mae nga Texas filloi të ketë një dhimbje koke, e më vonë u kaplua dhe nga ethet. E gjitha pasi ishte larë diku në ujra të ëmbla.
Në fillim, familja e saj mendoi se ishte thjesht një virozë, por pas një vizite te mjeku, u bë e qartë për ta se diçka nuk ishte në rregull, raporton CNN.
“Ajo kaloi në pavetëdije, kështu që e çuam në pavionin e emergjencave”, thanë familjarët, të cilët kanë nisur fushatë në rrjete në mbështetje të saj.
Kërkime të gjera zbuluan se vajza kishte rënë në kontakt me ameban e quajtur Naegleria fowleri.
“Kjo amebë është makthi i çdo të prekuri”, tha Crystal Warren, tezja e Lily-t.
“Ne nuk e kuptojmë se si ajo u infektua kur një turmë e tërë njerëzish po laheshin atë ditë në të njëjtin vend”, tha ajo.
Qendra Amerikane për Kontrollin dhe Parandalimin e Sëmundjeve shpjegoi se kjo amebë është një organizëm njëqelizor që jeton në ujëra të ngrohta si lumenj dhe liqene.
Ameba hyn në trup përmes hundës, arrin në tru dhe shkatërron indet e atyshme, raporton CNN.
Statistikat janë të frikshme.
Konkretisht, midis viteve 1962 dhe 2018, 145 njerëz u infektuan prej saj në SHBA, ku vetëm katër arritën të mbijetonin.
Halla e 10-vjeçares së infektuar tha së shpresonte që mbesa e saj të ishte e mbijetuara e pestë. /tesheshi.com/
