OJQ-të mjedisore i kanë kërkuar Shqipërisë të braktisë ndërtimin e një aeroporti në një zonë të mbrojtur të një lagune në Detin Jon, ku jetojnë shumë specie zogjsh, një projekt me vlerë dhjetëra miliona euro.
Qeveria shqiptare ka marrë deri më tani dy oferta në një tender publik për ndërtimin e një aeroporti tjetër ndërkombëtar në Vlorë, një ambicie e kryeministrit Rama, me vlerë 86 milion euro, shkruan AFP.
Në një letër të hapur për autoritetet kohët e fundit, 36 organizata mjedisore vendase dhe ndërkombëtare shprehën “shqetësimin ekstrem” për një projekt që mund të “dëmtojë në mënyrë të pakthyeshme ekosistemin, me zogj në rrezik zhdukjeje.
Ministrja e Infrastrukturës tha të mërkurën se qeveria do të shpallë vendimin e saj në mars.
Fituesi i konkursit do të ketë të drejtën e përdorimit të kësaj infrastrukture për 35 vjet.
Autoritetet presin përfitime ekonomike nga zhvillimi i turizmit në bregdetin e Jonit, një zonë e vlerësuar shumë nga turistët për bukurinë e tij.
Aeroporti do të ndërtohet në zonën e mbrojtur të Vjose-Narte, e cila mbulon më shumë se 19,000 hektarë.
Laguna e Nartës dhe ligatina për ujërat e kripura janë një nga ekosistemet më të rëndësishme të ligatinave në Mesdhe, theksojnë ekspertët.
Ata paralajmërojnë se ndërtimi i “një aeroporti në një nga rrugët kryesore për migrimin e zogjve është i rrezikshëm për sigurinë e avionëve”.
Nënshkruesit e letrës, përfshirë “EuroNatur”, “BirdLife Europe”, gjithashtu dënojnë për këtë rast atë që e konsiderojnë “shkeljen e ligjeve kombëtare dhe konventave ndërkombëtare të ratifikuara nga Shqipëria” në negociatat e pranimit me Bashkimin Evropian. /tesheshi.com/
