Pirro Dhima pretendon se kur shkon në Himarë e përndjekin hijet e shtetit shqiptar.
“Në fshatrat tona sistemi më gjurmon sa herë që shkoj atje. Unë shpesh shkoj atje për fat të keq me hijet që më ndjekin. Aty janë rrënjët e mia dhe pa rrënjë jemi asgjë”, tha ish-kampioni në peshëngritje, fillimisht për Shqipërinë e më pas për Greqinë, pasi zhvendosi jetën aty pas viteve ‘90.
Edhe ai me përcaktorin entiko-politik Vorio Epir për jugun e Shqipërisë, tha se “Greqia ka ndërmarrë veprimet e nevojshme për popullin e Vorio Epirit dhe unë jam një person që mund të kem zërin e këtyre njerëzve në Parlamentin Europian”, duke shpalosur kështu një ambicie politike, i rreshtuar në Demokracinë e Re të Mitsotakisit.
“Në Shqipëri nuk ka shtet ligjor”, tha duke u ndalur te çështja “Beleri”. /tesheshi.com/
