Rama shfaqi bindjen e tij se Formula 1 do organizohet një ditë dhe në Shqipëri.
Ai morri pjesë në konkursin ndërkombëtar për projektin “Auto Moto Park Albania”, i cili do të ndërtohet në Krastë në Elbasan, duke thënë se ky është një hap më pranë jetësimit të ëndrrës së cirkuitit të parë motosportiv sipas standardeve të FIA dhe FIM.
Ai renditi përfitimet prej këtij projekti, duke shkuar deri te gara prestigjoze e shpejtësisë.
“Është një moment historik për autmotorizmin shqiptar. Falë ideve të tyre ne do të përzgjedhin edhe projektin më të mirë. Do i hapim rrugë një epoke të re për Elbasanin dhe për Shqipërinë dhe për t’i hapur Shqipërisë një tjetër derë. Një tjetër kategori vizitorësh mund të hyjnë për të fuqizuar vendi. Do të shtojë vende të reja punës dhe mundësi të reja për gjeneratën e re. Jam i bindur se duke bashkuar të gjitha forcat ne do ta realizojmë.
Edhe pse disa gjëra na dukeshin deri dje të pamundura tani janë në rrugën për tu bërë të mundura. Edhe ajo që do të dukej krejtësisht e pamundur deri më sot që në Shqipëri të kishim një garë të Formula 1 e ardhmja do të tregojë se edhe kjo është e mundur”, u shpreh Rama. /tesheshi.com/
