Katari, shtet i Gjirit, ka njoftuar një plan ambicioz për të zgjeruar programin e tij publik të artit ndërsa përgatitet për Kupën e Botës FIFA 2022.
Ky shtet, ndër më të pasurit në Lindjen e Mesme, thotë se do të shfaqë mbi 40 vepra të reja dhe të porositura nga artistë vendas dhe të huaj në hapësirat publike në kryeqytetin Doha dhe përreth qyteteteve.
Ideja është të shndërrohet peizazhi urban lokal në “një përvojë të gjerë muzeu arti në natyrë”. Instalacionet do të shfaqen në sheshet publike dhe qendrat tregtare, shkollat dhe objektet atletike, stacionet hekurudhore dhe aeroportin ndërkombëtar Hamad, si dhe në disa stadiume të vendosura për të pritur ndeshjet.
Një shembull është “Skifteri” i skulptorit holandez Tom Claassen jashtë aeroportit ndërkombëtar Hamad, një paraqitje e artë, abstrakte e zogut kombëtar të Katarit që u instalua gjatë verës.
Pjesë të tjera që tashmë janë zbuluar përfshijnë “Untitled (Trench, Shafts, Pit, Tunnel and Chamber) të Bruce Nauman-it, një vepër eksperimentale e bërë nga artisti amerikan në fund të viteve 1970, jashtë M7 në Msheireb Downtown Doha. Pranë Teatrit Kombëtar qëndron monumenti “Dy Orkide” i artistit gjerman Isa Genzken, një skulpturë e madhe e vitit 2015 që qëndron si një version i idealizuar i bimës që simbolizon marrëdhënien midis arkitekturës, natyrës dhe kulturës popullore.
Ndërsa lista e plotë e artistëve ende nuk është publikuar, shumë nga emrat e konfirmuar përfshijnë gjithashtu talente nga Katari dhe rajonet.
Midis tyre janë skulptori irakian në mërgim Ahmed Al Bahrani, i njohur për veprat që prekin realitetet politike të diasporës arabe si dhe luftën, shpërnguljen dhe kujtesën, gjithashtu dhe Faraj Daham, i cili fokusohet në ndryshimet arkitekturore dhe urbane të vendit, si dhe në pasojat e mëvonshme ekonomike, sociale dhe politike që rrjedhin nga ato ndryshime.
Ka edhe disa talente femra, siç është artistja e njohur libanezo- amerikane Simone Fattal, vepra figurative e së cilës bazohet në burime të tilla si lufta, shpërngulja dhe migrimi, dhe fetë dhe mitologjitë e lashta, apo she artistja pamore e Katarit, Shua’a Ali, e cila do të zbulojë punën e saj të parë publike, një skulpturë abstrakte e titulluar “Tawazun” (një fjalë arabe që do të thotë “ekuilibër”). /tesheshi.com/
