Pas shumë kohësh, ambasadori amerikan, Donald Lu, nuk ka marrë në trajtim reformën në drejtësi dhe rëndësinë historike të saj, por ka folur mbi fenomenin e radikalizmit fetar.
Në një konferencë me teme “Parandalimi i Ekstremizmit të Dhunshëm dhe i Radikalizimit”, kreu i diplomacisë amerikane në Tiranë, ka vlerësuar Komunitetin Musliman Shqiptar, drejtuesit e këtij institucioni dhe imamët në përgjithësi, që sipas tij, kanë kryer një rol të jashtzakonshëm për parandalimin e fenomeneve dëshpëruese që po vihen re, ku me fenë dhe besimin abuzohet duke shkaktuar deri dhe krime të papërligjura, aq më tepër referuar principeve islame.
Lu, gjatë fjalës tij, ka rrëfyer dhe eksperienca personale, që siç tha I cilësoi ai, i kanë lënë mbresa të thella, nga pikëtakimi me Islamin.
Fjala e plotë:
Kryetar i Komunitetit Mysliman Bruçaj, Gjeneral Lleshi, Z. Gurra, të nderuar imamë të
Ju punoni çdo ditë për të përkrahur këto vlera. Në veçanti, po i ndihmoni të rinjtë që të përcaktojnë vlerat që do të ndjekin gjatë gjithë jetës së tyre. Shpresoj që sot të mësoni ide të reja se si mund të ndihmoni të rinjtë të shmangin rrugën e radikalizimit dhe të dhunës në komuntietet tuaja.
Ambasada Amerikane është e përkushtuar të punojë mbi këtë çështje në të gjitha nivelet — me qeverinë, me të rinjtë dhe me udhëheqësit fetarë. Puna kundër ekstremizmit të dhunshëm nuk është e lehtë. Do të kërkojë që çdo anëtar i komunitetit tuaj të punojë së bashku për të kundërshtuar mesazhet e rreme nga grupe të huaja radikale.
Ju jeni udhëheqësit e kësaj lëvizjeje. Vitin e kaluar, disa shqiptarë morën pjesë në Samitin e Shtëpisë së Bardhë kundër ekstremizmit të dhunshëm, mbajtur në Uashington. Qëllimi i tyre ishte të nxiteshin diskutime si ky që po zhvilloni sot këtu.
Shpresoj që ky aktivitet të nxisë mësim, diskutim dhe debat. Mendoj se burimet më të mira për ide të reja do të jenë idetë që do të mësoni nga njëri-tjetri. Shtetet e Bashkuara janë krenare që janë partner i Komunitetit Mysliman Shqiptar për këtë çështje të rëndësishme.
E kam kaluar pjesën më të madhe të moshës madhore në vende me shumicë myslimane. Si vullnetar i Korpusit të Paqes në Sierra Leone, jetoja përballë xhamisë së fshatit tonë. Në vend të minares, hoxha e bënte thirrjen për lutje të besimtarëve duke përdorur daullen më të madhe që të kishin zënë sytë.
Për mua, kjo është një prej pjesëve më të bukura të islamit — që mund të përshtatet dhe të mirëpresë tradita kulturore nga të gjithë popujt. Tani, ndërsa bota përballet me kërcënimet e analfabetizmit, diskriminimit, dhunës dhe shtypjes, është më e rëndësishme se kurrë që Islami të ndihmojë për të treguar rrugën për një botë më paqësore.
Së fundi, faleminderit Kryetar Bruçaj dhe Fejzi Shaholli për udhëheqjen e treguar në organizimin e kësaj konference sot. Keni mbështetjen tonë të plotë dhe të sinqertë për këtë punë të rëndësishme. /tesheshi.com/
