Ambasadorja e Shqipërisë në SHBA, Floreta Luli Faber, bëri me dije se janë 9 jetë të humbura shqiptare nga koronavirusi, pikërisht në tokën amerikane, ku është krijuar këto ditë një pikë tjetër e nxehtë e globit si shkak i infektimeve në masë e vdekjeve gjithashtu.
“Të paktën nëntë anëtarë të komuniteti shqiptarë kanë humbur jetën, tre nga Shqipëria, katër nga Maqedonia e Veriut dhe dy nga Mali i Zi.
Mbi tridhjetë anëtarë nga komuniteti ynë janë evidentuar në faza të ndryshme të sëmundjes. Me disa prej tyre është komunikuar drejtëpërdrejtë në telefon, të cilët kanë informuar se simptomat e sëmundjes janë të rënda, por fatmirësisht të kalueshme në kushte shtëpie.
Bazuar në informacione, individët trajtohen në spital vetëm kur janë në gjendje tepër kritike dhe kanë probleme me frymëmarrjen dhe kërkohet mbështetja e tyre me respiratorë”, ishte ajo çfarë kumtoi ambasadorja shqiptare, në një mesazh përcjellë komunitetit shqiptar në SHBA.
Ndërkohë, kujtojmë se jetëhumbja e parë shqiptare në botë i përket Indonezisë, aty ku një i moshuar nga Durrësi, i ndodhur te një prej vajzave të tij që punonte në vendin e Azisë së largët, u infektua e ndërroi jetë atje. /tesheshi.com/
