Ambasadorja Yuri Kim kërkoi dhe më shumë nga PS në lidhje me Tom Doshin, i cili, paçka presionit amerikan, do kandidojë me PSD-në e tij në 25 prill, e mundet të fitojë dhe ndonjë mandat.
Por SHBA nuk mjaftohet që Doshi të mos jetë në grupin e PS-së, siç nuk është prej më shumë se tre vitesh, pasi nuk e do fare në parlament.
Për këtë, Kim përcolli një mesazh therrës për mazhorancën që të reagonte anti-Doshit ashtu siç PD.
“Dua të them që është një gjë shumë e mirë që Partia Demokratike ka qenë e qartë në dënimin e këtij personi duke kërkuar që ky person të largohet nga lista e kandidatëve për deputetë.
Dëshiroj të shoh që edhe Partia Socialiste apo të tjerët të jenë po kaq të qartë. Eshte krijuar pak konfuzion por mendoj që është koha e duhur për të qartësuar cdo konfuzion dhe për të qenë absolutisht të qartë se ku qëndrojmë të gjithë” theksoi Kim gjatë një interviste për Abc Neës. /tesheshi.com/
