Ambasadorja e Gjermanisë në Kosovë, Angelika Viets, ka reaguar në lidhje me seancën e parë në Kuvendin e Kosovës,e cila u ndërpre sot dy herë.
Ajo ka thënë për KTV-në se është ndjerë e turpëruar me atë çfarë ndodhi në Kuvend.
Kur është pyetur se çfarë mendon për seancën ajo shkurt ka thënë “turp”.
Në seancën e sotme konstituive koalicioni PAN kërkoi dy orë pushim që të dilte me emrin e kandidatit për kryetar të Kuvendit, dhe ky propozim u hodh në votim. Në votim u ndanë votat 60 pro e 60 kundër, ndërsa PAN-i vazhdonte të refuzonte të jepte emrin e kandidatit.
Me këtë rast kryesuesi, Adem Mikullovci, e mbylli seancën, e cila rinisi në orën 15:00.
Por edhe pasi rifilloi, Kuvendi u shty për nesër pasi deputetët e PAN-it nuk u rikthyen në sallë./tesheshi.com/
