Gjermania kërkon dorëheqje të ministrave të qeverisë së Shkupit, për të cilët ekzistojnë dyshime serioze për keqpërdorim të pushtetit. Duke folur në një debat për procesin integrues të Ballkanit Perëndimor nga prizmi i sfidave politike, ambasadorja gjermane Kristine Alltzauher shprehu shqetësimin e saj por edhe zyrtarëve tjerë perëndimorë se zbulimet që janë shfaqur me aferën e përgjimeve ende nuk janë shqyrtuar seriozisht nga qeveria.
“Për standardet perëndimore, janë të pashmangshme pasojat politike që dalin nga natyra e këtyre akuzave. Siç tha javën e kaluar edhe kolegu im nga SHBA-të, të jem e qartë, pasojat politike nënkuptojnë dorëheqjet si parakusht i nevojshëm për hetim transparent dhe të paanshëm”-tha ambasadorja gjermane Alltzauher, sipas të cilës, vetëm një proces i besueshëm hetimi do të rivendosë besimin politik dhe gjyqësor, që do të ruan perspektivën euro-atlantike të shtetit
“Te dialogu politik, interesi i shtetit duhet të mbizotërojnë mbi ato partiake ndërsa kultura e këtushme politike nuk e dëshmojë këtë. Punësimet partiake në institucionet shtetërore vazhdojnë bashkë me ndërhyrjet në pavarësinë e mediave, sidomos në servisin publik. Qytetarët janë bërë viktima të kësaj politike të udhëhequr nga institucionet shtetërore”deklaroi ambasadorja gjermane në Shkup, Kristine Alltzauher. /tesheshi.com/
