Aktorja Angelina Jolie, ambasadore e UNCHR-së (Komisariati i lartë i Kombeve të Bashkuara për Refugjatët) ka vizituar portin e Pireut në Athinë, ku po qëndrojnë mbi 4 mijë refugjatë dhe migrantë.
Me flokë të mbledhur bisht, e veshur me të zeza, ambasadorja e shoqëruar edhe nga përfaqësues të tjerë të UNCHR-së ka mbërritur rreth orës 12 me orën lokale në terminalin 1 të Pireut, ku UNCHR disponon një kamp të vogël për refugjatët.
Ajo ka qëndruar rreth gjysmë ore në këtë vend duke biseduar me personelin e OBK-së dhe me disa refugjatë veçanërisht sirianë dhe irakienë, të cilat vijnë në mënyrë të përditshme në Pire nga ishujt grekë, duke qenë se kjo është një pikë e rëndësishme hyrjeje për në Europë.
Më pas aktorja është larguar pa dhënë asnjë deklaratë për mediat, edhe pse ishin të shumtë gazetarët dhe fotoreporterët që e prisnin jashtë portit. Pak metra lar makinës së saj ndodhej një grup refugjatësh të cilët mbanin në duar pankarta me shkrimin: “Shkupi të hapë kufirin”. /tesheshi.com/
