Ambasadorja e Bashkimit Europian në Shqipëri, Romana Vlahutin, ka qenë e pranishme sot në Dhomën Zgjedhore, ku është bërë një takim për monitorimin e procesit parazgjedhor.
Nga kjo Dhomë zonja Vlahutin ka bërë me dije se këto zgjedhje do jenë shumë të monitoruara, ndërsa ka shtuar se edhe në këto zgjedhje do të ketë presione për të blerë votën.
Duke bërë me dije se janë përcaktuar zonat që do të monitorohen, Vlahutin deklaroi se është me rëndësi të dëgjojmë debate për çështje që përpara nuk flitej fare.
“Ka nisur misioni i vëzhguesve të OHDIR për të vëzhguar situatën. Ndërkombëtarët do të bëjnë pjesën tyre të monitorimit, por me rëndësi është dhe ajo që do të bëni ju. Jemi 100 vëzhgues dhe do të bëhemi pjesë e OHDIR”,- tha Vlahutin.
Ndërsa tha se qytetarët nuk janë objekte por subjekte dhe u kërkoi përfaqësuesve të Dhomës Zhjedhore të luajnë rolin e tyre në zgjedhje, Ambasadorja e BE-së u bëri thirrje qytetarëve të angazhohen e të denonojnë çdo lloj presioni
“Vota është e fshehtë e askush nuk mund t’ua marrë lirinë për të zgjedhur. Duhen monitoruar premtimet, ata që do zgjidhen do japin llogari. Njerëzit duhet të mendohen mirë para se të votojnë. E dimë që do të ketë presione për të blerë votën. Mos bëni transaksion me votën tuaj”,- ha ndër të tjera Ambasadorja Vlahutin. /tesheshi.com/
