Një prej zërave më të fuqishëm në ditët e fundit ndaj regjimit të Bashar Assad-it, Nikki Haley ka dhënë një intervistë për CNN-in, e që do të transmetohet e plotë ditën e sotme.
Ajo deklaron në këtë intervistë se nuk është e mundur që të ketë një zgjidhje politike të luftës në Siri për sa kohë që Assad-i është në pushtet.
“Nuk ka asnjë lloj alternative ku të ketë një zgjidhje politike me Assad-in në krye të regjimit,” ka thënë ajo për intervistuesin Jake Tapper.
“Nëse shihni veprimet e tij, nëse shihni situatën, është e vështirë të shohësh një qeveri që të jetë paqësore dhe e qëndrueshme me Assad-in,” ka pohuar Haley.
Si dhe me parë, përfaqësuesja e SHBA-së në OKB ka theksuar në intervistë se vendi i saj është i gatshëm të ndërmarrë aksione të tjera në Siri, siç bëri në mesjavë, kur u godit me raketa një bazë ajrore siriane pranë Homsit.
“Nëse nevojitet të bëjë më shumë, ai [Trump-i] do të bëjë më shumë.
Ajo gjithsesi e ka pranuar se largimi i Assad-it nga pushteti nuk është përparësia e vetme e SHBA-së. Mposhtja e ISIS-it, shmangia e ndikimit iranian mbi Sirinë, dhe lëvizja drejt një zgjidhjeje politike janë ca nga përparësitë e tjera të politikës amerikane në rajon, sipas ambasadores Haley. /tesheshi.com/
