Ambasadori amerikan në Tiranë, Donald Lu, shprehu dëshirën për të zgjatur mandatin e tij të qëndrimit si ambassador në Shqipëri.
Pas deklaratave të forta të ditëve të fundit ku fillimisht iu drejtua të rinjve që nëse qeveria nuk plotëson kërkesat e tyre ata të reagojnë me rrëzimin e saj dhe më pas me 20 familjet mafioze, Lu sot deklaroi se ka shumë punë për të bërë në Shqipëri dhe shpreson se kërkesa e tij të merret parasysh nga autoritetet amerikane.
“Ka qenë një nder i madh për mua dhe familjen time që kemi qenë këtu në Shqipëri në këto dy vite e gjysmë. E kemi shijuar aq shumë mikpritjen shqiptare sa kam kërkuar të qëndroj edhe më gjatë në këtë vend të bukur.
Kam në plan të largohem nga Shqipëria në verën e vitit 2018. Deri atëherë, kemi shumë më tepër për të bërë sëbashku”, tha diplomati amerikan. /tesheshi.com/
