Ambasadori Robert Wilton, i cili është zv.kryetar i prezencës së OSBE-së në Tiranë, tha se zbatimi i reformës në drejtësi do të thotë, përmirësim i proçedurave, praktikave dhe qëndrimeve në çdo sektor të sistemit të drejtësisë.
Sipas tij, reforma e vërtetë nuk bëhet as me letra dhe as në sallën e Parlamentit, por në zyrat juridike dhe gjykatat e venndit.
“Reforma në drejtësi duhet të jetë e prekshme dhe e besueshme për qytetarët e Shqipërisë.
S’ka për të pasur reformë për sa kohë që qytetarët nuk besojnë te drejtësia e sistemit kur hyjnë në sallën e gjyqit”, shtoi ai.
Në vijim Wilton theksoi se OSBE-ja e mbështet reformën e drejtësisë në Shqipëri bashkë me kolegët e organizatave ndërkombëtare që kanë luajtur një rol kaq të rëndësishëm në këtë proçes.
“Reforma ka potencialin ta transformojë vërtet këtë shoqëri, duke transformuar kështu edhe mundësitë e saj”, tha ambasadori. /tesheshi.com/
