“Maqedonia për momentin po përballet me krizë serioze politike. Ajo ka krizë edhe në lidhje me sundimin e së drejtës”. Kështu ka deklaruar shefi i delegacionit të BE-së në Maqedoni, Aivo Orav, i cili ka prezantuar në një tribunë me temë “Dita e integritetit- pengimi i korrupsionit dhe përplajse të interesave në njësitet e bashkësisë lokale”.
Për BE-në, tha Orav, përballja me korrupsionin, vlerat demokratike dhe sundimi i drejtësisë, është baza e zgjerimit të Unionit.
Ai ka shtuar se vendimi i Ivanovit për abolim të funksionarëve të lartë të pushtetit po pengon përpjekjet për luftimin e korrupsionit. /tesheshi.com/
