Ambasadori birtanik, Ruari O’Connell, tha sot se vendimi për transformimin e FSK-së në FAK, Kosova duhet ta marrë në bashkëpunim me NATO-n.
Gjatë një takimi me ministrin e FSK-së, Rrustem Berisha, diplomati anglez, tha se siguria e Kosovës varet nga marrëdhëniet me NATO-n.
O’Connell ka thënë se marrëdhëniet e mira ndërmjet Mbretërisë së Bashkuar dhe Kosovës do të vazhdojnë edhe në të ardhmen, e gjithashtu edhe marrëdhëniet e shkëlqyera ndërmjet ministrive dhe dy forcave dhe u zotua për vazhdimin, avancimin dhe intensifikimin e këtyre marrëdhënieve në të ardhmen.
Kurse ministri Berisha tha se procesi i transformimit të FSK-së në FAK do të jetë plotësisht transparent dhe në koordinim të plotë me NATO-n dhe partnerët strategjikë, si SHBA-të, Mbretërinë e Bashkuar etj, si dhe do të punohet ngushtë me të gjithë deputetët e të të gjitha komuniteteve, për t’i bindur ata, se Forca e Armatosur e Kosovës do të jetë forcë, e cila garanton sigurinë e Kosovës dhe popullit të saj pa dallim. /tesheshi.com/
