Ambasadori i Britanisë së Madhe në Kosovë, Ruairí O’Connell, ka zhvilluar një takim me liderin e Lëvizjes “Vetëvendosje”, Visar Ymeri.
Lajmi për këtë zhvillim është dhënë nga vetë kreu i VV-së, shoqëruar dhe me pamje.
“Nga takimi i sotëm me Ambasadorin e Mbretërisë së Bashkuar, Ruairí O’Connell, me të cilin diskutuam rreth situatës politike në Kosovë”, ka shkruar Ymeri në Facebook, ndërsa ka publikuar dhe një foto nga takimi.
Ambasadori britanik pati deklaruar kohë më parë, në një intervistë te Info Magazine, në Klan Kosova, se ka kohë që nuk zhvillon takime me asnjë nga anëtarët e VV-së.
“Unë nuk flas më me Vetëvendosjen tash për tash, sepse nuk kemi për çfarë të flasim. Nuk është debat kur përdoret dhuna. Eshtë vetëm mohim i debatit, i demokracisë. Nëse qytetarët mendojnë që dikush ka gabuar, le të mos votojnë më për të. Le të zgjidhet dikush tjetër. Le të marrin qytetarët përgjegjësinë që të zgjedhin atë që është më i mirë, më i vlefshëm,” ishte shprehur O’Connell. /tesheshi.com/
