Një ditë pas mesazhit të tij të pazakontë për votimin e patjetërt të reformës në Drejtësi, si dhe shkaktarët e pengimit të saj, ambasadori amerikan Donald Lu ka vijuar aksionin e tij diplomatik në sallonet e politikës shqiptare.
Paraditen e së martës ai u takua me kryetarin e komisionit te posaçëm të kësaj reforme, Fatmir Xhafaj, ndërkohë që nga qeveria, z/kryeministri Peleshi i ka mëshuar fort idesë së referendumit nëse reforma nuk kalon.
Sakaq, nga PD nuk ka asnjë reagim lidhur me mesazhin e Lu-së, ku kryetari Lulzim Basha kryqëzohej rëndë si një prej shkaktarëve të pengimit të reformës në Drejtësi.
I vetmi reagim, ka qenë në ai në trajtë statusi në FB i deputetit Genc Pollo: “Përsëri populizëm, arrogancë e madje folklorizëm mbi reformën në drejtësi. Shqip e anglisht. Duhet të bëhet, do të bëhet por siç duhet!!”. /tesheshi.com/
