Kur na ndan vetëm një ditë nga zgjedhjet e 21 qershorit, Ambasadori Amerikan në Tiranë, Donald Lu u ka dërguar një mesazh gjithë qytetarëve shqiptarë, përpara se të vendosin se kë do të votojnë.
Në mesazhin e tij z. Lu thotë se u takon qytetarëve të refuzojnë kriminelët që përbëjnë tallje për sistemin politik të Shqipërisë. Ambasadori Lu ka postuar një foto enkas për të përcjellë apelin e tij tek votuesit.
Në të shkruhet “Vendosmëria e dukshme e partive për të kandiduar njerëz të dyshuar për krime, përbën një poshtërim të popullit shqiptar. Nëse do të zgjidhen, ata do të pretendojnë se ju ju mbështesin, ndërkohë që vjedhin paratë tuaja për të financuar mercedesët e zinj luksozë, vilat e anës detit apo rezidencat e tyre skandaloze. Shqipëria meriton më shumë. Tani u takon votuesve t’i refuzojnë këta kriminelë që përbëjnë tallje për sistemin politik të Shqipërisë”. Nga Donald Lu, Ambasador i SHBA, Tiranë, Qershor 2015″/tesheshi.com/
