Ditë pasi policia shqiptare arriti të shpëtojë një shqiponjë në malësinë e Pukës, kapur e “burgosur” nga fshatarë të zonës, nga Ambasada Amerikanë në Tiranë vjen shqetësimi për cenimin e këtij shpendi në territorin shqiptar; edhe për faktin se është simbol kombëtar. Dhe apeli i administratës Lu, ka nisur që me evidentimin e faktit se shqiponja përbën një simbol dhe për vetë amerikanët.
“A e dini që shqiponja është simbol si për Shqipërinë ashtu edhe për Shtetet e Bashkuara? Në Shtetet e Bashkuara, shqiponja kryebardhë u hoq nga lista federale e specive të kërcënuara dhe rrezikuara më 9 gusht 2007 dhe specia tani është në lulëzim. Për fat të keq, shqiponja është në rrezik në Shqipëri. Çfarë mund të bëjmë për t’i ruajtur këto specie të jashtëzakonshme?”, shkruhet në faqen e Ambasadës Amerikane. /tesheshi.com/
