Deklaratat e kryeministrit Rama ditë më parë gjatë një vizite në Pukë se shumë shpejt zona e qyteti do jenë të denja për atraksion turistik, siduket nuk paska qenë thjesht sa për t’i marrë me të mirë banorët e atyshëm, të një zone të mbetur pothuajse në periferi të interesit qeveritar prej vitesh. 
Ditë më pas, në Pukën e harruar ia behu edhe ambasadori amerikan, Donal Lu, i cili zgjodhi të kalojë fundjavën në atë qytet, duke qenë prezent në panairin e prodhimeve bujqësore, blegtorale dhe artizanale, ku iu bë dhuratë dhe një kostum popullor karakteristik i zonës.
Por tej kësaj, ai, në këtë vizitë u shoqërua dhe nga kreu i bashkisë, Gjon Gjonaj, i denoncuar si kohë e si ditë më parë nga PD si njeri me të kaluar probleme në raport me ligjin në të kaluarën, më saktësisht për një tentativë vrasjeje.
Lu njihet si diplomati më i angazhuar për ta denoncuar praninë e krimit në politikë, e për ta shkulur atë që aty. Por në këtë rast, ai sikur ka promovuar versionin e tij anti-PD për një figurë qeveritare lokale “pa hile”. /tesheshi.com/
