Më shumë se një muaj pas nisjes së protestës së pazakontë të opozitës në Shqipëri, përfaqsuar nga një çadër e madhe në bulevard e pagëzuar si “e lirisë”, ambasadori amerikan Donald Lu është “futur në të” duke u takua me ish-liderin Berisha në zyrën e këtij të fundit.
Edhe pse Lu është sulmuar fort nga Berisha gjatë kësaj kohe në fjalimet e tij nervoze, kreu i diplomacisë amerikane e ka favorizuar sërish duke e konsideruar faktor politik, siç duket për të marrë prej tij atë që i kërkohet më tepër: të mos diktojë tek kreu de fakto Basha stilin e tij politik. Biseda mes tyre ka zgjatur afro një orë dhe orët në vijim do mund të lexohen efektet e saj.
Në gjithë historinë e përplasjeve të Berishës me ambasadorët amerikanë ndër vite, Lu mbahet si më i godituri, ku përveç akuzave si “guvernator” e “soroist”, media pranë opozitës e kanë shkarkuar dhe disa herë nga detyra. /tesheshi.com/
