Në vazhdën e një sërë takimesh që krerë të Lëvizjes BESA në Maqedoni po realizojnë me përfaqsues të komunitetit ndërkombëtar në Shkup, kryetari i saj, Bilall Kasami u takuam me ambasadorin holandez, Willem Wouter Plomp.
Kasami i paraqiti diplomatit perëndimor tre kushtet e BESËS për pjesëmarrje në qeveri, që siç janë bërë të qarta tashmë, nuk janë poste ministrash, drejtorësh apo vendesh pune, siç ndodh rëndom në raste të ngjashme: pra, qeveri pa figura politike të inkriminuara dhe të dyshuara nga Prokuroria Speciale; diskutimi i Ridefinimit të sistemit juridiko-kushtetues të shtetit; si dhe një marrëveshje transparente për publikun.
Ambasadori nga ana e tij ka vlerësuar këtë paketë kushtesh dhe ka shprehur angazhimin e tij për të ndikuar në zgjedhjen e krizës në Maqedoni.
Siç po duket dita-ditës, as zgjedhjet e 11 dhjetorit nuk po i japin udhë zgjidhjes së krizës në vend. Rezultati i ngushtë i dalë prej tyre, ka bërë që fituesit aritmetikë të ngjajnë si humbës dhe anasjelltaz.
Vetë BESA ka mandate, që çdo force do i duheshin për të formuar qeverinë. /tesheshi.com/
