Gjatë ditëve të fundit janë shtuar personat të cilët kanë lënë gjithçka në Shqipëri dhe kanë marrë rrugën duke ikur në mënyrë të jashtëligjshme në Gjermani, ku do të kërkojnë azil.
Kundrejt kësaj situate ka reaguar ambasadori i Gjermanisë në Shqipëri, Helmut Hoffman, i cili është shprehur se të gjithë qytetarët që kanë ikur nga Shqipëria, do të kthehen sa më shpejt.
“Të gjithë qytetarët që kanë ikur do të rikthehen. Ne do të përshpejtojmë procedurat për verifikim sa më të shpejtë. Theksoj se nuk do të ketë azil ekonomik dhe inkurajoj shqiptarët që të mos lënë vendin e tyre. U them se do të kthehen në Shqipëri dhe do të humbasin gjithçka”, tha ambasadori Hoffmann./tesheshi.com/
