Ambasadori Helmut Hoffman ishte të martën paradite në Cërrik, ku gjatë përurimit të një qendre sociale, tha se Shqipëria nuk duhet të bazohet gjithmonë tek ndihma e të huajve.
“Ne do t’ju ndihmojmë, por edhe ju ndihmojeni veten. Shembujt e mirë nga ndërkombëtarët le të adoptohen nga shqiptarët”, ka sugjeruar Hoffman.
“Varfëria në Shqipëri është shumë e madhe”, ka thënë Hoffman, duke theksuar se sfidat kryesore për qeverinë shqiptare janë pikërisht ulja e varfërisë dhe arsimi profesional.
Thirrjet e kreut të diplomacisë gjermane në Tiranë, të kujtojnë devizën politike të viteve të para të pluralizmit dhe ekononimisë së tregut dalë nga PD-ja: “Ne qeverisim, bota na ndihmon!”
Në vite, kjo ka rezultuar e vërtetë, por në një sens krejt tjetër: “Ne të qëndrojmë në pushtet e bota të na ndihmon!” /tesheshi.com/
