Ambasadori i ri gjerman në Kosovë, Christian Heldt, ka thënë se politikanët në Kosovë duhet t’ua mundësojnë të rinjve udhëtimin pa viza në shtetet e Bashkimit Europian.
“Megjithatë ka ende sfida të mëdha me të cilat duhet ballafaquar. Siç e ka përmendur Kancelarja Angela Merkel në telegramin e saj të urimit drejtuar Kryeministrit Haradinaj për zgjedhjen e tij, Gjermania mbetet përkrah Kosovës”, tha ai.
Ambasadori Heldt shtoi se Gjermania dëshiron që të ndihmojë Kosovën në ndërtimin e konsolidimit e sundimit të ligjit, t’a ndihmojë në luftën ndaj korrupsionit, të nxisë zhvillim ekonomik, si dhe t´a mbështesë në një dialog të balancuar me Serbinë.
Duke qenë se ambasadori mori këtë detyrë pak ditë më parë, ai shprehu mirënjohjen për mikpritjen.
“Bashkë me bashkëshorten time, unë po pres me padurim ta njoh më mirë Kosovën dhe qytetarët e saj gjatë viteve të vazhdim”, tha Heldt. /tesheshi.com/
