SHBA vazhdon ta kundërshtojë shfuqizimin e Gjykatës Speciale. Ambasadori Greg Delawie, sërish ka përçuar një mesazh tek krerët e institucioneve kosovare, këtë herë duke folur në emër të qytetarëve të Kosovës, që sipas tij nuk duan shfuqizimin e kësaj gjykate.
“Duartrokas politikanët dhe të tjerët që flasin publikisht, edhe pse është e vështirë për atë se çka është e drejtë për të ardhmen e Kosovës”, shkruan Delawie në Twitter.
Deklarimet e Delawies kundër Speciales janë shpeshtuar dhe ato sikur vijnë sidomos në ditët kur mbahen seancat plenare, kjo pasi që në dhjetor Kuvendi tentoi pa kurrfarë paralajmërimi ta shfuqizojë këtë gjykatë pas mbledhjes së 43 nënshkrimeve nga deputetët, por që u stopua pas angazhimit të vendeve të QUINT-it që paralajmëruan pasoja për të ardhmen e Kosovës.
Kujtojmë se Kuvendi ka hequr përgjegjësinë nga vetja duke ja lënë në dorë “pataten e nxehtë” qeverisë ku kjo e fundit do të vendos nëse do e dërgoi si projektligj në seancë. /tesheshi.com/
