Në një takim me të rinj në Shkodër, ambasadori italian në Tiranë, Alberto Cutillo, e ka cilësuar shtyrjen e zgjedhjeve të 30 qershorit si “një varr më të keq se gropa”.
“Në Shqipëri kemi mbërritur në një situatë komplekse ku disa parti që të paktën në dukje kanë mbështetje të fortë politike kanë vendosur të mos futen në zgjedhje. Në këtë pikë rregullat kanë devijuar dhe nuk mund të thuhet cfarë është më logjike, te zhvillohen zgjedhje apo te shtyhen çka do të sillte ndryshime në ligj dhe Kushtetutë.
Ndryshimi i dytë mund te jetë gjetja e një akordi e një marrëveshje, por në dijeninë time deri tani nuk ka, prandaj të shtysh zgjedhjet pa arritur në një marrëveshje mund të sillte probleme më të mëdha pasi sjell shkeljen e Kushtetutës duke lejuar kështu shtyrje të vazhdueshme të zgjedhjeve dhe italianët e quajnë ‘një varr më të keq se gropa’, por nuk janë sugjerime që më takojnë mua t’i bëj”, tha kryediplomati i Romës në Tiranë.
Në fakt, opozita PD-LSI nuk e ka artikuluar në asnjë rast kërkesën për shtyrje zgjedhjesh, por e ka lënë të nënkuptuar këtë, gjersa është kundër mbajtjes së tyre me 30 qershor, pa praninë e saj. /tesheshi.com/
