Në kulmin e debatit për demarkacionin, ambasadori i Britanisë së Madhe në Kosovë, Ruairi O’Connell i ka bërë thirrje Qeverisë së Kosovës që të bëjë një debat publik në lidhje me demarkacionin dhe t’u sqarojë qytetarëve me fakte se si u demarkua kufiri me Malin e Zi.
O’Connell pas takimit me ministrin e Jashtëm Enver Hoxhaj ka thënë se nuk duhet folur në ajër, por, duhet shikuar të gjitha faktet.
Ndërkaq, ministri i Punëve të Jashtme të Kosovës, Enver Hoxhaj deklaroi se marrëveshja e Demarkacionit me Malin e Zi është në interes të Kosovës.
Ai ka theksuar se janë në konsulta të brendshme institucionale, se kur kjo çështje të procedohet në Kuvend.
“Jemi në konsulta të brendshme për këtë çështje”, ka theksuar Hoxhaj, pas një takimi që pati me ambasadorin e Britanisë së Madhe në Kosovë, Ruari O`Connell.
/tesheshi.com/
