Ambasadori i Britanisë së Madhe në Kosovë, ka paralajmëruar autoritetet se duhet ta pastrojnë administratën nga farefisi dhe miqtë e krerëve.
Gjatë një ceremonie për firmosjen e një marrëveshje me qeverinë e Kosovës dhe Kuvendin, ambasadori tha se nepotizmi në Kosovë nuk është dukuri e re për vendin.
“Nëse praktikat e nepotizmit vazhdojnë në Kosovë, do të jetë shkatërruese për vendin”. Ai ka shtuar se shpreson që Kosova sot ka hapur një kapitull të ri për punësimin në Kosovë.
“Nëse praktika e punësimit do të vazhdojë kështu, kjo do ta shkatërrojë Kosovën. Ne duhet të kthejmë besimin e qytetarëve tek institucionet e Kosovës. Rezultatet arrihen duke zgjedhur njerëzit në bazë të meritës, jo tarafit.
Shpresoj që sot po hapet një kapitull i ri për punësimin në Kosovë. Ky do të jetë një proces i pastër. Shpresoj që te vazhdoj përkrahja e liderëve dhe të vazhdojë punësimi i njerëzve meritor”, tha O’Conell.
Ndërsa kryeministri i Kosovës, Isa Mustafa tha se duhet respektuar ekspertiza e njerëzve që do të udhëheqin me kompanitë publike.
“Si Qeveri do të jemi të përkushtuar që të bëjmë zgjidhjet me të mira. Ne do të bëjmë ndryshime karshi nevojave dhe interesave të opinionit”, tha Mustafa
Ndërsa kryetari i Kuvendit Kadri Veseli ka pranuar se në Kosovë ka nepotizëm që nga paslufta, duke shtuar se institucionet e Kosovës tashmë janë të interesuara për të ndryshuar këtë situatë. Ai tha se me këtë memorandum
është arritur që të kurorëzohet diçka që është në interes të vendit.
/tesheshi.com/
