Ambasadori britanik në Kosovë, Ruairi O’Connell tha të enjten se qeveria e tij nuk kishte parë as një marrëveshje apo propozim për një ndarje të mundshme të Kosovës.
Në një bisedë me qytetarët e pjesës veriore të Mitrovicës, ai tha se për një kohë të gjatë nuk ka pasur ndryshime në politikën e jashtme britanike.
“Ne kemi investuar një shumë përpjekje dhe unë jam i shqetësuar, sepse po ndjehen tensione në Prishtinë, Mitrovicë, tensione mund të godasin direkt popullin këtu, për shkak se nuk dihet nëse ndarja përfshin dhe Mitrovicën apo jo. Por më duhet të jem i hapur: nuk ka asnjë informacion të besueshëm, përveç shkrimeve në tabloidë e spekulimeve se ka një një marrëveshje. Qeveria ime nuk ka pare ndonjë marrëveshje apo propozim, i cili të jetë shqetësues”, tha ambasadori, cituar RTK. /tesheshi.com/
