Ambasadori amerikan Xhejs Bejli fuqishëm ka hedhur poshtë akuzat se SHBA po tentojnë të prishin stabilitetin e Maqedonisë dhe ka shtuar se ai dhe SHBA përkrahin sundimin e drejtësisë në vend.
“Ne në ambasadën e SHBA-së në Shkup shpesh shikojmë storie në media për teori të komplotit dhe akuza se SHBA përzien në punët e brendshme të Maqedonisë dhe se ndërmarrin aksione për destabilizimin e vendit. Besojmë se shumica e qytetarëve të Maqedonisë, po ashtu edhe ne, e shohin absurditetin e këtyre tregimeve. Por, pas akuzave të paradokohe për të punësuarit tonë dhe programe, më lejoni të ju shpjegoj, posaçërisht për përkrahjen tonë për sundimin e drejtësisë”, thuhet në njoftimin e ambasadës së SHBA-së në Shkup.
Në 15 vitet e fundit, potencon ai, qeveria amerikane ka kontribuuar me më shumë se 55 milionë dollarë për zhvillimin e kapaciteteve të gjykatave të Maqedonisë, gjykatësve, prokurorëve, avokatëve të mbrojtjes dhe policisë që ato të mund t’i kryejnë mandatet profesionale, transparente, efikase dhe me kredibilitet. Sipas tij, më shumë se 600 gjykatës, 300 prokurorë publik, 150 avokatë të mbrojtjes dhe mbi 2.000 anëtarë të forcave të sigurisë kanë pasur interes me këto përpjekje.
Me shikim të rolit kyç në vendosjen e përgjegjësisë juridike, ashtu siç citon ai, SHBA-të e përkrahin PSP-në me trajnim dhe ndihmë njëjtë siç i kanë ndihmuar më parë sistemit juridik të Maqedonisë, Prokurorisë Publike dhe policisë nga pavarësia e Maqedonisë deri më sot.
“Ky angazhim e reflekton përkushtimin tonë të thellë të qeverisjes të së drejtës që t’u ndihmojmë nejrëzve në Maqedoni ta zgjidhin këtë krizë aktuale, të zhvillohen institucionet e fuqishme demokratike, duke lëvizur drejt anëtarësimit në BE dhe NATO. Ky përkushtim mbetet i fuqishëm”, shkruan Bejli. /tesheshi.com/
