Liderët e subjekteve politike kryesore në Kosovës, si nga mazhoranca ashtu dhe nga opozita, kanë zhvilluar një takim urgjent me ambasadorët e vendeve të ndryshme, ku kanë diskutuar mbi çëstjen më të mprehtë të momentit, Demarkacionin me Malin e Zi.
Sipas Kosova Press, as pas këtij takimi palët nuk kanë ndyshuar në qëndrimet e tyre, që do të thotë se opozita vijon të mbetet kundër versionit qeveritar të vijës kufitare me Malin e Zi.
Nga prononcimet pas takimit, u veçuar vetëm ai i Xhavit Haliti, që tha se “e rëndësishme ishte edhe prania e Lëvizjes Vetëvendosje dhe krerët e partive politike, edhe pse nuk pati rezultat pozitiv në përafrimin e qëndrimeve
“Me rëndësi është që është takimi i parë ku edhe zyrtarisht merr pjesë edhe Lëvizja Vetëvendosje”, tha Haliti.
Ndërsa lideri i Vetëvendosjes, Visar Ymeri deklaroi se në këtë takim kanë paraqitur qëndrimet e tyre kundërshtuese karshi marrëveshjes së pikës kufitare me Malin e Zi.
“U diskutua kryesisht për çështjen e demarkacionit. Edhe në këtë rast ne paraqitem qëndrimet tona kundërshtuese karshi kësaj marrëveshje”, tha Ymeri.
Afërsisht të njëjtin qëndrim mbajti dhe Aleanca për Ardhmërinë e Kosovës. Ndërsa kreu i Nisma-s, Fatmir Limaj, ofroi një propozim, sipas së cilit të ndërtohet një konsensus për demarkacionin dhe të merren të gjitha pozicionet e deputetëve. /tesheshi.com/
